قطايف صحيه
كل الخليط فيه ٦١٥ سعره حراريه
ㅤㅤㅤㅤㅤㅤㅤㅤㅤㅤㅤㅤ
كوب طحين كامل ٤٤٠ سعره
كوب وربع حليب الكاجو ٤٤ سعره
ملعقه صغيره بيكنج باودر
ملعقه طعام بذور الشيا مطحونه ٧٣ سعره
ملعقه طعام ١٠ جرام خليط من
بذر الكتان وحب شمسي وحب القرع ٥٨ سعره
ㅤㅤㅤㅤㅤㅤㅤㅤㅤㅤㅤㅤ
لما تخلطونها ضيفوا لها شويه حليب كاجو بالتدريج
بس شوي مو وايد لما توصلون للكثافه المطلوبه
بالصب راح تحسونها غير عن عجينه القطايف العاديه
والسبب كميه الفايده والحبوب والالياف الي فيها
طلع معاي ٣٠ حبه
كل حبه فيها بدون حشوه ٢٠ سعره حراريه
تقدرون تحشونها باي حشوه تحبونها
انا احب احشيها بجبن كيري
وايد اخف من القشطه ولذيذه
اما الشيره اسويها من العسل واخففها بماي
واضيف له شويه زعفران يطلع لذيذ وصحي
وبعد ما نحشي القطايف حمروها بالفرن من فوق
لما يصير لونها ذهبي
ㅤㅤㅤㅤㅤㅤㅤㅤㅤㅤㅤㅤ
ㅤㅤㅤㅤㅤㅤㅤㅤㅤㅤㅤㅤ
الاشياء الي استخدمتها صحيه ولذيذه
حليب الكاجو حده حده لذيييذ حتى بروحه مو طبيعي
افكر اسوي منه نفس الكاسترد لذيذ وهم روعه للحلويات الصحيه
اما بذور الشيا المطحونه وخليط الحبوب
ضفتهم للوصفه علشان ارفع من الفايده والقيمه الغذائيه الي فيها
خذيتهم من بلو باشن @_bluepassion_ احب منتجاتهم واعتمدها دايماً بوصفاتي ونظامي
جربوا الوصفه متأكده راح تعجبكم
حتى النكهه عجيبه ولذيذه احلى من القطايف العاديه
لان حليب الكاجو والمكسرات والحبوب عطوها لمسات صحيه لذيذه