صينيه اللحم بالمشروم والجبن ٢٨٠ سعره حراريه
ㅤㅤㅤㅤㅤㅤㅤㅤㅤㅤㅤㅤ
١٣١ جرام مشروم ٢٩ سعره
٨٥ جرام ٣ كرات لحم ١٣٢ سعره
١/٤ كوب جبن موزاريلا خالي الدسم ٤٥ سعره
ملعقه طعام معجون طماط ١٣ سعره
٢ ملعقه صغيره دبس الرمان ٤٠ سعره
بهارات الخضار
بصل اخضر مفروم
فص ثوم مهروس
١/٢ ملعقه صغيره زيت زيتون ٢٠ سعره
فلفل اسود
ملح بحري
كزبره مفرومه
ㅤㅤㅤㅤㅤㅤㅤㅤㅤㅤㅤㅤ
بجدر صغير حيل نحط المشروم المقطع كله بدون اي شي
ونغطيه لما ينزل منه الماي كله وينشف شوي بعده نشيله
ونحطه على جنب
بنفس الجدر الصغير نحط زيت الزيتون والبصل الاخضر والثوم
نحركهم عالسريع ونضيف كرات اللحم
يكون مافيهم ثلج مطلعينهم من فتره لما يذوب الثلج
نضيف بهاراتنا كلها ونحمسهم عدل ونضيف الكزبره
ونستمر بالتحريك ونضيف اخر شي معجون الطماط ودبس الرمان
ونستمر بالتحريك واخر شي نضيف المشروم ونحركه ونغطيه شوي
بعد ما يستوي كل شي نحط الخليط كله بصحن فخار
ونرش فوقه الموزاريلا وندخله الفرن من فوق لما يذوب
ㅤㅤㅤㅤㅤㅤㅤㅤㅤㅤㅤㅤ
وعليكم بألف عافيه حده حده لذيذ
كنت بضيف بطاط بس ما مداني اجهزه معاه
جربوه حده لذيذ مع البطاط بعد قصصوا البطاط مكعبات
واسلقوه وبعدها ضيفوه مع المشروم بالخطوات السابقه