المافن الانجليزي

المكونات
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
١ و ٣/٤ كوب حليب قليل الدسم ١٦٨ سعره
٣ ملاعق طعام زبده لايت ٢١٠ سعره
١ و ١/٤ ملعقه شاي ملح
٢ ملعقه طعام سكر ٩٨ سعره
٥٧ جرام بيضه كبيره ٨٤ سعره
٤ اكواب طحين كامل ٢٢٤٠ سعره
٢ ملعقه شاي خميره
١ ملعقه شاي بيكنج باودر
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
اول خطوه سخنوا الحليب وخلوه دافي مو حار حيل
اخلطوا معاه السكر وبعدها الخميره
خلوه دقايق على ما تتفاعل الخميره مع الحليب
بعد ما تتفاعل الخميره بالخلاط مال المعجنات حطوا الطحين والملح والبيكنج باودر والبيض والزبده
وضيفوا على طول الحليب الي نقعنا فيه الخميره وتفاعلت
شغلوا العجانه وخلوه ينعجن ٥ دقايق
بعدها شيلوا العجينه وحطوها بباديه جزاز وغطوها وحطوها بمكان دافي علشان تتخمر
انا حطيتها بفرن التخمير الي عندي ساعه وصارت جاهزه
الحين وقت تشكيل المافن
رقوا العجينه بس خلوها وسط مو متينه ولا ضعيفه حيل وقصوها بالقاطعه الدائريه
حطوها بصينيه مرشوشه وغطوها بفوطه وخلوها ٢٠ دقيقه ترتاح
الخطوه الاخيره حطوا مقلى تيفال ناشفه عالنار وابدوا بشوي المافن الانجليزي
راح تشوفونها تنتفخ معاكم واقلبوها عالجهه الثانيه
وعليكم بألف عافيه
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
بالقطعه الوحده ٦٠ سعره حراريه 😋👌🏼 بس
ولذييييييييذه لذيييييييذه 😋💕 انصحكم تجربونها وكميتها وايد ما شاء الله
تقدرون تحتفظون بالمافن بالفريزر ووقت الحاجه تسخنونها بالتوستر او الفرن
خذيت الطحين العضوي المعتق والخميره والبيكنج باودر من بلو باشن @_bluepassion_
هالخليط رووووعه حق كل شي عجييييب
حق المافن والبيتزا وجميع المعجنات الصحيه
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ