- 65
- 0
- الجمعة, 5 مايو, 2017 - 11 , مساءً
- التقييم:
الطريقة و المقادير
دجاج بالبيستو مع العيش الامريكي
المقادير :
* كيلو صدور دجاج تندر مقطع بشكل طولي * كوبين مشروم فرش مقطع * علبة جبن فلادلفيا ٣٠٠ جرام * جبن برميزان * كوب مكس جبن شيدر مع موزريلا * علبة كريمة سائله ٢٥٠ مل * نص م.ط ثوم مهروس * ٤ اكواب عيش امريكي مسلوق * نص قالب زبدة *٣ شدات ريحان نشيل الساق ونحتفظ بالورق *ربع حوب زيت زيتون
* البهارات (ربع م.ط اوريغانو / ملح / فلفل اسود ) * ٦ م.ط بيستو صوص
الطريقة:
البيستو:
بمحضرة الطعام نخلط كوبين ريحان مع ملعقة طعام ثوم مهروس وربع كوب زيت زيتون و بعد ما نخلطهم نضيف نص كوب جبن برميزان ونحركهم بالقفشه ونخليهم على جنب .
الطريقة:
* في مقلاة عميقه نحط نص قالب زبدة ونضيف عليه الثوم المهروس والاوريغانو ونحمسهم شوي تالي نضيف الدياي ونحمسهم عدل مدل تالي نضيف المشروم ونقلبهم مع بعض لين يذبل ونضيف البيستو صوص ونقلبهم مع بعض بعدين نضيف جبن الفلادلفيا ونحركها عدل عشان ما تتكتل ونضيف الفلفل الاسود والملح وعلبة كريمة سائلة وكوب جبن شيدر مع موزريلا وهو اختياري ونخليها لين تثقل تالي نشيل شوي من الدياي ونخليه على جنب عشان التقديم ونصب فوقهم العيش ونقلبهم مع بعض عدل تالي نحطه بماعون التقديم ونخلي مكان بالنص نصب فيه الدياي اللي شلناه على جنب ونزينه بالبرميزان وبالعافية
