ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
غداي ٤٣٧ سعره حراريه

صينيه الدجاج بالخضار بالشبنت مع بشاميل البطاطا الحلوه
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
١٣٤ جرام صدر دجاجه ١٤٧ سعره
١٩٠ جرام بطاطا حلوه مطبوخه بالفرن ١٦٣ سعره
٨٠ جرام كوسا ١٣ سعره
٦٠ جرام باذنجان ١٤ سعره
ملعقه صغيره زيت زيتون ٤٠ سعره
شبنت مفروم
كركم
كاري
فلفل اسود
فص ثوم مهروس
بصل اخضر
ملح بحري

طريقه البشاميل بالبطاطا الحلوه….
١٥٠ مل حليب قليل الدسم ٦٠ سعره
البطاطا الحلوه بعد ما شويناها بالفرن نحطها بالخلاط مع الحليب ونضربهم
لما يتجانس الخليط عدل ويصير كريمي

اول خطوه نقصص الكوسا والباذنجان مكعبات صغيره
صدر الدجاجه نقصصه مكعبات صغيره
نحمس الكوسا والباذنجان ب ١/٢ ملعقه صغيره زيت زيتون
نضيف رشه كركم وكاري وفلفل اسود وملح بحري
كل ما نشف نزيده شويه ماي لما يصيرون نص استواء نشيلهم بصحن بروح
بنفس الجدر الصغير نحط ١/٢ ملعقه صغيره زيت زيتون
وبعدها فص الثوم والبصل الاخضر مع الدجاج والبهارات كلها ونحمس الدجاج عدل
ونغطيه شوي علشان يستوي عالبخار وبعدها نضيف الشبنت ونغطيه شوي
بعدها نضيف الكوسا والباذنجان معاهم ونغطيهم شوي
اخر شي نحطهم بالبايركس الصغير
ونصب فوقهم خلطه البشاميل بالبطاطا الحلوه
ممكن ترشون فوقهم بقدونس مجفف ودخلوهم الفرن من فوق لما يتحمر

وعليكم بألف عافيه 😋💕 لذيييييييييذذ لذيييييييذ تمت العمليه بنجاح
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ

ㅤㅤㅤㅤㅤㅤ
ㅤㅤㅤㅤㅤㅤㅤㅤㅤ
ㅤㅤㅤㅤㅤㅤ
ㅤㅤㅤㅤㅤㅤ
ㅤㅤㅤ