وصفه اليوم ٢٠٠ سعره حراريه

٤٠٠ جرام حبه قرع صغيره ١٠٤ سعره
ملعقه طعام حبوب الدخن ٥٥ سعره
ملعقه صغيره زيت زيتون ٤٠ سعره
ملح بحري
بصل اخضر مفروم
فص ثوم مهروس
شوربه خلاصه الخضار البودره
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
زينتها بـ ….
صلصه الصويا الحلوه
فلفل الكايين بيبر
حبوب القرع المقشره
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
الوصفه جداً سهله ما تاخذ وقت وايد
اول خطوه قصوا القرع من فوق وفرغوا الي ببطنها الخيوط والحبوب
وادهنوها بشويه زيت زيتون وغطوها بالغطا
دخلوها الفرن من تحت لما يستوي القرع شوي
نفرغ القرع من الداخل ونحطه بصحن
ونحتفظ بالقرع الباقي الحبه كامله مع الغطاء للتقديم
الخطوه الثانيه نحمص الدخن بمقلى تيفال ناشفه لما يتغير لونه للبني الفاتح
بعدها نطحنهم المطحانه ونخليه على جنب
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
نبدأ بطريقه تحضير الشوربه…..
نحط بجدر صغير زيت الزيتون والبصل الاخضر وفص الثوم ونحمسهم
نضيف القرع وبهاراتنا ونحمسهم واخر شي نضيف الماي ونخليه يطبخ دقايق بس
بعدها نطحن الشوربه بالمطحانه عدل لما ينطحن كل شي
نضيف عليه الدخن المطحون ونحركه بسرعه علشان ما يتكتل معانا
اخر شي بس تصير الشوربه ثقيله شوي نقدمها بحبه القرع ونزينها بالصويا الحلوه
وفلفل الكايين بيبر وحب القرع
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
وعليكم بألف ألف عافيه ☺️💕 انصحكم تجربون الوصفه حدها لذيييييذه ومفيده
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ