- 45
- 0
- الخميس, 5 أكتوبر, 2017 - 11 , صباحًا
- التقييم:
الطريقة و المقادير
ㅤㅤㅤㅤ
ㅤㅤㅤㅤㅤㅤ
ㅤㅤㅤ
وصفه اليوم… نودلز الكوسا بالدجاج والسبانخ البنفسجي
غداي ١٧٠ سعره حراريه
٢١٥ جرام كوسا ٣٤ سعره
٨٥ جرام صدر دجاجه ٩٤ سعره
١ ملعقه صغيره زيت زيتون ٤٠ سعره
اوراق السبانخ البنفسجيه
بصل اخضر مفروم
فص ثوم مهروس
اول خطوه نحط ١/٢ ملعقه صغيره زيت زبتون في جدر صغير ونحط فيه البصل الاخضر
نحمسه شوي ونضيف فص الثوم المهروس ونضيف الدجاج بعد ما قصصنا مكعبات
نضيف بهاراتنا الي نحبها… انا حطيت معاه فلفل اسود بودره وكاري وثوم بودره
وبهارات الخضار… انا ضفت نوع بهار من عندي بهارات آسيويه
نحمسه ونغطيه شوي لما يستوي ويتحمر الدجاج
بقدر ثاني صغير نحط ١/٢ ملعقه صغيره زيت زيتون
نضيف نودلز الكوسا مع اوراق السبانخ البنفسجي ونحمسهم لما تستوي الكوسا
راح ينزل منها وايد ماي خلوها لما تنشف ولا تحركونها وايد علشان ما تتقطع وتخترب
بعد ما تنشف نضيف لها الدجاج ونقلبهم مع بعض شوي
وعليكم بألف عافيه ☺️💕 الطبق لذيذ وطعمه غريب شوي حلو نكسر باطباقنا بين فتره وفتره بنكهات غريبة
