- 113
- 0
- السبت, 6 مايو, 2017 - 8 , مساءً
- التقييم:
الطريقة و المقادير
مموش ربيان طري
اول شي نغلي شوية ماي بالجدر ونضيف عليه ملعقه كبيره خل ابيض وشريحتين ليمون وملعقة كركم ونحط الربيان بالماي المغلي ياخذ غلوه ونشيله ونصفيه من الماي وبعدين نحط كميه من البصل مقطعينه مكعبات تقريبا خمس بصلات كبار بمقلاه وبدون اي اضافه بس كل شوي نضيف عليه شوية ماي لين يتحمر البصل شوي نضيف عليه شوية زيت ونحمسه ونضيف مهروس الثوم والزنجبيل وبعدين نضيف الربيان ونضيف البهارات كركم وكمون وكزبره وبهار مشكل ولومي اسود مطحون وفلفل اسود وملح ونحمسه عدل واخر شي نضيف كزبره وشبنت ونخلطه عدل ونطفي النار ونخليه على جنب
طريقة الرز بالماش
نقعت الماش لمدة ساعه ونص وتالي غسلته وتخلصت من القشر وحطيت بالجدر ملعتين كبار سمنه وحمست فيه بصله مقطعه وخليته لين يذبل وضفت الماش وحطيت عليه كركم وكزبره وملح وحبتين لومي اسود عدل وفلفل اخضر حار وضفت عليه ماي مغلي وخليته يطبخ عشر دقايق واخر شي ضفت الرز المنقوع لمدة نص ساعه وخليته عشر دقايق على نار عاليه لين نشف الماي منه وحطيت حشو الربيان عليه وبعدين قصرت عليه وخليته عشرين دقيقه على نار هاديه وبالعافيه
