–
سلام عليكم ي حلوينن جبت لكم موضوع مهم ويهم الكل ✨🙆! كيف تسوون لكم جدول تمارين ✨
–
جيبوا لكم ورقه وقلم واكتبوا معي ✏️📋!
–
١-اول شي لازم تحددون هدفكم وش تبون توصلون له ، تشدون جسمكم ،، تضخمون اردافكم ،، وغيرهه ..🏋️‍♀️!
٢-بعدها تاخذون قياسات جسمكم ووزنكم اول ماتقومون من النومم ،(الصدر-اليد-الارداف-الخصر-البطن-الفخوذ)
٣-اكتبوا الايام الي بتتمرنون فيها من ٣-٦ ايام بالاسبوع وايام الراحه من ١-٣ ايام ، يفضل ايام الراحه ماتخلونها ورا بعض✨!
٤-قسموا عضلات الجسم كلها على مدار ايام الاسبوع حتى اذا ماتبون تغيرون فيها شي ، بس عشان ماتهملون عضله وتكون عضله اقوى من الثانيه ✨
٥- لا تمرنون عضلتين ورا بعض ، مثلا اذا مرنتوا الارجل اليوم مايصير تمرنونها بكره ، لانه اذا ضغطتوا عليها ممكن تشوفون نتائج سلبيه وبكذا بترهقون العضله وماراح تتطور ،، ✨
٦- قسموا العضلات على ،، عضله صغيرة مع عضله كبيرة او عضلتين الى ٣ عضلات صغيرة بنفس اليومم ✨
٧- ممكن تمرنون يوم جزء علوي *صدر،ظهر،باي،تراي*ويوم جزء سفلي *بطن،ارجل،قلوتس،بطات*والثالث كارديو وتعيدون عليه ✨ ،، او ممكن نظام دفع والسحب والارجل ،، يوم دفع*صدر،الاكتاف الامامية والخلفية،والترايسبس ،، السحب *ظهر ، اكتاف جانبية ، بايسبس ،، والارجل ،، وتعيدون ✨!
–
–
العضلات الكبيرة هي : الارجل ، الظهر ، الصدر ، الاكتاف✨
العضلات الصغيرة : باي ، تراي ، سواعد ✨
والبطن ممكن تدخلونه مع ايام الاسبوع من ١-٣ مرات✨
–
التمارين تاخذون لكل عضله من ٢-٥ تمارين وتقسمونها على جولات وتكرارات ،، مثلا ٣-٤ جولات لكل تمرين والتكرارات تكون من ٦ وتوصل مرات الى ٣٠ ،، نزلت موضوع قبل عن التكرارت في التمرين #مواضيع_دايت_غلا ✨🙆 ،، انصح ب ١٠-١٥ تكرار دايما لكل تمرين✨!
–
مده التمرين دايما تكون على حسب قدرتكمم ،، واختاروا وقت تقدرون تستمرون عليه لمده طويله على الاقل نص من يومكم