رز مدلل؟ مقلوبة كيوت؟ تدرون انتو اختارو له اسم😅 فكرته جديدة ولذيييذة حد الدعسة جميع الاشخاص الخمسه اللي معي عجبهم بلا استثناء👌
الطريقة من شفتها بحساب @aaskah_travel وهي طاقه براسي وماخليتها بخاطري شقلبنا مقاديرها من غير صحيه الى صحية والطعم لذييذ والله😍👍
🔴الطريقة ماتاخذ وقت والمقادير بسيطه ومتوفرة دايما:
اول شي نطبخ الرز ونضيفه بالصينيه البايركس ،، والخضار مسلوقه: جزر وبطاطس وكوسا اما الباذنجان نكون مجهزينه(بالقلاية الهوائية)
ثم نشوح بصل بقليل من زيت الزيتون ونشوح صدور دجاج مقطعه مكعبات، ونضيف معهم الخضار ونضيف البهارات المشكله والبابريكا والملح والفلفل الاسود والكزبرة والذرة ،، نحط الحشوة بالصينيه على طبقة الرز ونضيف عليها قليل من جبنة موزريلا لايت واخر شي نضيف عليها الصوص الابيض: كريمة طبخ لايت+ قشطة قليلة الدسم+ ثلاث ملاعق جبن سايل قليل الدسم.
نشغل عليها الفرن من فوق كم دقيقه لحد ماتتحمر وبالعافيه👌
.
حاولت بقد ماقدر اكتب لكم الطريقه بشكل واضح جربوها والله لذيذة عاد كل واحد وشطارته ياتدعي لي او تدعي علي😅💔 واللي مافهم الطريقه يفرفر يمين يشوف الفكره ع السريع لعل وعسى تتضح الرؤيه اكثر ماقدر اشرح اكثر من كذا اللي مافهم كلامي ولا فهم شي من المقاطع والصور الشكوى لله ماقول الا الله يخلف على امن جابتك😂😂 شكراً لحسن الإستماع والسلام عليكم✋