صينية اللحم المفروم بالكاري والبشاميل
المقادير :
* كيلو لحم مفروم بقري نحمسه في مقلاة بروحه لم ينزل الماي ماله كله ونتركه على جنب * كوبين فلفل بارد ملون * نص م.ط ثوم * كوبين بصل ابيض جوانج
* علبة معجون طماط * علبة حليب جوز الهند * البهارات ( ١م.ط ونص كاري / فلفل اسو / ملح ) * كوب جبن شيدر وموزريلا مبشورين مع بعض * ٤ حبات بطاط مسلوقين ومقشرين ومقطعين شرايح * ربع كوب زيت نباتي
مقادير البشاميل :
* قالب زبدة * مكعبين ماجي * ٥ م.ط طحين ابيض * ١٠ م.ط حليب بودر * كوب جبن شيدر ومزريلا مبشورين مع بعض * ٦ اكواب ماي
الطريقة :
* بجدر نحط الزيت النباتي ونحمس فيه البصل وبعدين مضيف الفلفل الملون ونقلبهم مع بعض لين يذبلون شوي وبعدين نضيف الكاري ونقلبهم مع بعض ، نضيف نص كوب ماي ونخليهم لين يذبلون ، تالي نضيف اللحم المفروم ونحمسهم عدل مع بعض ، نضيف الثوم والملح والفلفل الاسود ونقلبهم مع بعض ، نضيف علبة حليب جوز الهند ونحرك عدل تالي نضيف معجون الطماط ونقلبهم جميع وبعدين نصبها بصينية الفرن وبعدين نصف فوقها شرايح البطاط .
* نضيف البشاميل فوق البطاط نغطيها كلها وبعدين نضيف جبن المزريلا والشيدر وندخل الصينية الفرن من فوق تتحمر على درجة حرارة ١٥٠ .

طريقة البشاميل : * بماعون نحط الحليب الباودر ونصب فوقه ٣ اكواب ماي ونخلط عدل مدل تالي ننقله لجدر ونضيف الماجي والزبدة ونحطه على النار يغلي .
* بماعون ثاني نخلط الطحين مع ٣ اكواب ماي ونخلطهم عدل ، بعدين نضيف كوب جبن موزريلا مع شيدر ونضيفهم فوق الحليب اللي على النار بس يغلي ونحركهم مع بعض عدل مدل ونضيف رشة فلفل اسود ونستمر بالتحريك لين تثقل الصلصة .