مطفاية_مع_خبز

.
اول شي الخبز :

عجينة الخبز الأساسيه نص بر و نص دقيق و ماء و ملح في إضافات ممكن نظيفها رشه حليب بودره او شويه زبادي ( بس مش أساسي )
ملاحظات :
– ممكن يكون الدقيق الأبيض اكثر ( يكون لون الخبز احسن ) و العكس برضه بس يكون لون الخبز غامق – بعد العجن قسمي العجينة و ملسيها بشويه زيت و خليها ساعه ترتاح ولو انتي مستعجله عادي… وسوي الخبز بزيت عادي يطلع اللون احسن و بعضهم يخلطوا مع قليل سمن – لما تعطفي الخبز سوي رشه زيت و رشة دقيق بكل الطبقات – يطلع الخبز محمر اكتر لو معك الخشبه حق ضغط الخبز لو مش معك عادي..
-الخبز اول شي تحطيها بالطاوه بدون زيت لما تنشف العجينة تقلبيها برضه بدون زيت تخليها شويه و تسوي شويه زيت و تحمري جهه و تسوي زيت و تقلبيها و تحمري الجهه الثانيه ( اهم خطوه ) -لما ينجح الخبز تحطيه بدفايه او تغطيه بقطعه قماش نظفيه .
.
.
#المطفايه🐟 او(الصانونه)🐟
.
.
. كشنت بصل وبسباس اخضر وطماطم حبوب لما ذبلو وحطيت بسباس احمر وحطيت الصيد، فوقه وخليتهم مع بعض يتكشنوا تماام واضفت قليل صلصه وفصين ثوم وقليل كركم وبهارات وملح وقليل ماء وخليتهم لما نشفوا شويه لو تحبو تقلو الزيت من قبل عادي بس ده يعتمد ع نوع السمك الي معك .