- 127
- 0
- الجمعة, 16 مارس, 2018 - 12 , صباحًا
- التقييم:
الطريقة و المقادير
بطاط الحُمر بنعناع
بلي نص باكت حمر ابو 100 الصغير ونص مطيبه وسط فيها ماء
قشري كيلو بطاط وقطعيه واعمليه بدست ضغاط واعملي ماء وملح ملعقتين وملعقتين كاري وملعقه هرد (كركم)خليه يفور ربع ساعه فقط.. اعملي بدست عادي زيت وقطعي راس بصل كبير شرايح من نص وسكبتيه بدست وبعدها اربعه قرون بسباس آخضر🌶 من نص وسكبتيه بدست وقلبتي بعدها قطعي حبتين طماط كبار شرائح من نص وسكبتيه بدست وقلبتي ورشيتي ملعقتين كاري وملح حسب رغبتك وقطعتي كبزره🍀 ونعناع شاي🌿 وسكبتيه على دست قلبيه ودقيتي اربعه فصوص ثومه صغار وقلبتي شويه طفي نار بعدها
حطي الكشنه على خلاطه ويكون الحمر المبلول جاهز اسكبي حمر الحبوب اول شيء بعدين نص الماء حق الحمر المبلول وعملتي نعناع شاي وطحنتيه وبعدها
خذي حمر من اللي معك مش المبلول حطي بدست حق كشنه مع شويه زيت ونقصي نار بعدها اسكبي باقي ماء الحمر وبعدها اسكبي الخليط كله وسكبتي بعدها البطاط بس شنيه من الماء وغسليه بماء من قصبه عشان ما يتكسر ورشيتي ملعقه كاري وملح ونعناع شاي وبعدها
اعملي بمطيبه حق نص قلص ماء صغير وملعقتين حق الاكل دقيق ابيض وخبطيه بلمخبط عشان يذوب ما يكون محبب وبعدها رشيء كبزره مقطعه وخليه شويه على نار هادئه وطفي النار وعليكمم بالف صحه وعافيه..💭✍🏻😋👌🏻🌿♥
