خبز الطاوه
. .الطريقة:
.
.
. كاستين دقيق ابيض+كاستين دقيق بر اسمر+ملعقه صغيره ملح
+ملعقه صغيره سكر ناعم الحبيبات+اربعه ملاعق كبيره حليب بودر
اخلطي المكونات واعجنيها بكأس ونص او اكثر ماء دافئ تدريجيا
تعجن جيدآ والافضل بالعجانه وكل ماعجنتي اكثر تكون النتيجه افضل تعجن
حتى تتماسك من غير تكتلات..بس لاتخليها طريه خليها قاسيه شوووي
ثم قسميها لأربعه كورات كبيره وادهني صينيه كبيره زيت وحطي الكورات
فيها وغطيها ترتاح لساعه نسيت اصور هالخطوه
طريقة العمل
1-افرديها بالنشابه او الفراده مع رش الدقيق حتى تصير رقيقه
2_كملي مدها بيداتك خليها رقيقه جدآ جدآ وإدهنيها زيت
3_امسكي اطرافها وإطويها للنص
وإدهني زيت فوق الجزء الي طويتيه
4_اطوي الطرف الآخر عليه وإدهني فوقها زيت
راح يكون على شكل مستطيل
5_ارفعي الطرف وإطويه للنص وإدهني فوقه زيت
6_اطوي عليه النص الآخر وراح يعطيك شكل مربع
وخلصنا من الطوي والطبقات بس بهالخطوه خلاص لاتدهني زيت
رشي دقيق فوق وتحت وافرديها طول وعرض بس لاتخليها رقيقه مره

7_ حطيها ع طاوه ساخنه على نار هاديه الى متوسطه وإذا بدت تنتفخ وتحمر
من تحت رشي ع الوجه رشات خفيفه زيت وإقلبيها لما تشقر
وكرري باقي كورات العجين بنفس الطريقه
اخر شي بعد ماتستوي حطي شوي سمن بلدي للنكهه(اختياري)

بالعافيه