صياديه عدنيه
الطريقة:
. . اول شي اقلي السمك بعد ما تعملي له بسبس أحمر وحوايج وكاري وملح وخرجيه علي جنب وبعدين قطعو بصل شرائح واقلوهم لما يصير لونهم بني وخرجوهم على جنب وكمان اقلي البطاط نفس الشي وخرجيهم على جنب هذا كله في نفس الدست الآن نقصي من الزيت الذي قليتي فيه وقطعي بصل وطماط صغار وحطيهم في الزيت الباقي وثلاث قرون بسباس لما يدبلوا حطي راس ثومه وحوايج الي معك وبعدين بسباس أحمر وصلصه وملح وخليه شويه على النار يقتلوا بعدين ضيفي الماء حق قلصين لو شفتيها خفيفه خليها تنشف شويه ولو العكس زيدي عليها ماء بس مش تكون خفيفه تكون وسط هنا خلاص كل شي جاهز الآن فوري الرز مع ملح وحوايج حبوب قرفه وهيل وورق الغار نص خمده وخرجيه من الماء
الآن التطبيق … الدست الذي سويتي فيه الكشنه خرجي الكشنه لمكان تاني شفتي الزيت الذي قليتي فيه خرجتيه على جنب صبي منه قليل في قاع الدست وشلي معلقه أو ملعقتين من الكشنه كمان فوقه الآن خذي كميه من الرز بحيت تغطي قاع الدست ما عاد يبان من القاع والكشنه شي ورشي فوق الرز صباغ الرز وبعدين وبعدين من الكشنه بحيث تغطي الرز بالكشنه العكس وبعدين حطي البصل المقلي وبعدين البطاط المقلي والآن كرري العمليه مره تاني لما تخلصي الرز والكشنه والبصل والبطاط وهي في الأخير السمك ولصي فحم وبخري الرز وخليه على نار هاديه وكون تفاقديه لما ينجح الرز والعافيه عليكم تعبث من الشرح والله بس التطبيق سهل الشتني وعشار لو معك وكرت وجرجير أي خضره خضرا
.
.الشتني:
طماط حبوب وبسباس اخضر وكبزره قليل وملح وجبن ولا زبادي وباالخلاط وبس