الحريرة المغربية

🔶المقادير :
🔸كيلو قطع لحم غنم عربي نسلقه لمدة ساعة بماي وبهار مشكل (كزبره-كركم-زنجبيل-فلفل اسود)
🔸٢ لتر ماي سلق اللحم
🔸٣ حبات طماط مكعبات كبيرة
🔸٢ حبة فلفل احمر مكعبات 🔸٢حبة فلفل اصفر مكعبات 🔸٢ كوب نخي اللي هو الحمص 🔸البهارات (١ م.ط كمون/ ١ م.ط بهار مشكل / ملح)
🔸٢ حبة جزر مقطع 🔸٢ حبة بصل مقطع ارباع
🔸بيضة مخفوقة
🔸كوب عدس اخضر مغسول 🔸٢ علبة معجون طماط
🔸ربع كوب زيت نباتي 🔸٤ فصوص ثوم 🔸٢ مكعب ماجي
🔸نص كوب كزبرة مفرومة
🔸نص كوب بقدونس مفروم
🔸كوب شعرية رقم (١) من المطاحن 🔸ماي 🔸٤ م.ط طحين مخلوط مع كوب ماي 🔷الطريقة:
🔹بجدر نحط البصل والطماط والفلفل الملون والجزر والثوم والماجي والبهار المشكل والكمون والماي ونخليهم يطبخون لمدة نص ساعة لمن يذبلون ، تالي نضربهم بالخلاط .
🔹بجدر ثاني نشوح قطع اللحم بالزيت النباتي ونضيف الكزبرة والبقدونس ونقلبهم مع بعض عدل ، نضيف معجون الطماط ونقلبهم ، نضيف مرق اللحم ونخليهم يطبخون لمدة ثلث ساعة .
🔹بعدين نضيف الخضار اللي ضربناها بالخلاط فوق اللحم ونضيف العدس ونخليه يطبخ نص ساعة .
🔹نضيف النخي والطحين ونخلطهم عدل ، نضيف الشعرية ونخليه ١٠ دقايق تستوي .
🔹اخر شي نضيف الملح وبعدين البيضة المخفوقة ونخلط عدل واحنا نضيف البيضة . ونقدمها وبالعافية