لزانيا البطاط والبيستو 🔶

مقادير البيستو :
🔸٣ شدات ريحان منظف 🔸كوب زيت زيتون 🔸كوب جبن برميزان مبشور 🔸نص كوب صنوبر محمص 🔸٥ فصوص ثوم 🔷طريقة البيستو :
🔹نخلط جميع المقادير بمحضرة الطعام لين يصير عندنا الخليط ناعم ، ممكن الاحتفاظ بالباقي ببرطمان زجاج مع اضافة زيت زيتون زيادة . 🔶مقادير البشاميل :
🔸٦ م.ط حليب بودرة 🔸٢ مكعب ماجي 🔸٨ اكواب ماي 🔸٥م.ط طحين 🔸كوب جبن موزريلا مع شيدر 🔸قالب زبدة 🔷طريقة البشاميل :
🔹بالجدر نحط الحليب البودر و٣ اكواب ماي ونخلطهم عدل لين يذوب الحليب ونحطهم على النار ونضيف قالب الزيدة والماجي ونخليهم لين يغلون .
🔹بالخلاط نخلط الطحين و الشيدر والموزريلا مع ٣ اكواب ماي ونصبهم فوق الحليب اللي على النار ونخلطهم مع بعض عدل .
🔹في هالوصفه احتاج ان البشاميل مايكون ثقيل فاحتاج اني اضيف له كوبين ماي مع التحريك باستمرار وبعدها نطفي النار ونضيف للبشاميل نص كوب بيستو من اللي سويناه ونخليه على جنب . 🔶مقادير اللزانيا :
🔸شرايح لزانيا
🔸٥ حبات بطاط نقشرهم و نسلقهم تقريبا ١٢ لي ١٥ دقيقه وعقب نقطعهم شرايح متوسطة الحجم 🔸كوب جبن موزريلا وشيدر 🔸كوب جبن برميزان مبشور 🔸صنوبر محمص 🔷طريقة اللزانيا :
🔹بقاع البايركس نحط طبقة من البشاميل اللي خلطنا معاه من صلصه البيستو وفوقها شرايح لزانيا وبعدها طبقة بشاميل ونصف فوقها شرايح بطاط بعدها نحط شوية صوص البيستو ونرد نكرر العملية .
🔹على الويه نحط جبن شيدر وموزريلا وبرميزان وصنوبر وندخلها الفرن من تحت على دوجة حرارة ٢٠٠ لمدة نص ساعة .