‎ساندوتش الدياي بتتبيله الليمون مع بطاط الودجز

‎🔶المقادير لساندوتش الدجاج:
‎🔸صدور دياي طرية نقصها بالنص ‎🔸٢ م.ط بشر ليمون اخضر ‎🔸ربع كوب عصير ليمون اخضر ‎🔸٢م.ط ملح الثوم ‎🔸٢ م.ط ديجون ماسترد ‎🔸نص م.ط زعتر مجفف ‎🔸ملح / فلفل اسود ‎🔸صمون مدور ‎🔸شرايح فلفل بارد ملون نتبلها بزيت زيتون ‎🔸مايونيز ‎🔸خس شرايح جبن موزريلا ‎🔷الطريقة:
‎🔹نشوي شرايح الفلفل البارد على الشواية ونخليه على جنب .
‎🔹نشوي الصمون المدور على الشواية بس لين يتحمش شوي ونشيله على جنب .
‎🔹نتبل صدور الدياي ب ( بشر ليمون اخضر – عصير الليمون الاخضر – ملح الثوم – ديجون ماسترد – زعتر مجفف – ملح – فلفل اسود ) ونفركها عدل بالتتبيلة ونخليها شوي تالي نشويها على الشواية وبس تستوي نحط عليها شرايح الموزريلا ونخليها لين تذوب وبعدين نشيلها . ‎🔹ندهن الصمون بشوية مايونيز ونحط فوقه الدياي وشرايح الفلفل المشوية وخشريح خس ونغطيها ونقدمها مع البطاط بالفرن . ‎🔶مقادير البطاط :
‎🔸٥ حبات بطاط نغسلهم عدل ونخليهم بقشورهم ونقطعهم نفس طريقة الودجز .
‎🔸ملح ‎🔸٢ م.ط ببريكا ‎🔸ملح الثوم ‎🔸نص كوب زيت زيتون ‎🔸نص م.ط كاري ‎ومقادير الصلصة:
‎🔸٢ م.ط زيت زيتون ‎🔸نص م.ط ثوم مهروس ‎🔸نص كوب كزبرة فرش مفرومة
‎🔸كوب صلصة اجنحة
‎🔸ربع كوب عسل ‎🔷الطريقة:
‎🔹نتبل البطاط بكل المقادير ونفركه عدل بالتتبيلة ونغطيه بقصدير وندخله الفرن من تحت على درجة حرارة ٢٠٠ لمدة ساعة ومل شوي نقلبه عشان ما يحترق واخر شي نشيل القصدير ونحمره شوي .
‎🔹الصلصة: بجدر على النار نحمس بزيت الزيتون الثوم وبعدين نضيف الكزبرة ونحمسهم عدل ونضيف صلصة الاجنحة والعسل ونخلطهم عدل لين تغلي الصلصة ونصبها فوق البطاط وبالعافية