تكا ماسلا مع العيش بالكاري

(مقادير تتبيلة التكا)
ربع كوب عصير ليمون
٣ م.ط معجون فلفل ربع كوب زيت زيتون
١ م. ط ثوم مهروس ملح/فلفل اسود كيلو ونص تكا لحم غنم فلفل بارد ملون مكعبات
بصل ابيض مكعبات طريقة التكا:
نتبله اللحم التكا بجميع المقادير ونشكه في اعواد خشب مع بصل وفلفل بارد ملون (لا يزيد في كل عود عن ثلاث حبات لحم عشان يستوي بسرعة)، نشويه على الشواية على نار متوسطة ونقلبه على الجهتين . مقادير صلصة ماسلا :
٢حبة طماط مقطعة مكعبات ٢ حبة فلفل حار ٣ م.ط بودرة ماسلا ٣ م.ط صلصة ماسلا نص حبة بصل مقطعة مكعبات نص م.ط ثوم مهروس كوب كزبرة فرش مفرومة علبة معجون طماط علبة كريما حامضة او ممكن استبدالها بروب
ربع كوب سمن الطريقة:
بجدر نشوح البصل بربع كوب سمن لين يذبل ، نضيف عليه الثوم ونقلبهم مع بعض ، نضيف الطماطم والفلفل الحار ونقلبهم مع بعض ، تالي نضيف الكزبرة الفرش والماسلا البودرة ونقلبهم عدل مدل مع بعض ، نضيف معجون الطماط ونحمسه عدل ، نضيف علبه الكريما الحامضه ممكن استبدالها بالروب ونخلطها عدل لين تتجانس مع المكونات ، ونضبط الملح ونضيف قلاصين ماي وصلصة الماسلا الجاهزة ونخليهم يطبخون مع بعض .
طريقة التقديم :
ممكن نحط اسياخ التكا بصحن ونصب فوقهم الصلصة او ممكن تشيل التكا من الاسياخ ونخلطها مع المرق ،، الطريقة حسب الرغبة ، ونقدمها مع عيش الكاري . مقادير عيش الكاري :
٣ م.ط سمن نص كوب بصل مفروم
٢ مكعب ماجي نص م.ط ثوم مهروس ٢ م.ط كاري ملح قلاص ونص عيش الطريقة:
نحمس البصل بالسمنة لين يذبل وبعدين نضيف الماجي والثوم والكاري ونحمسهم عدل مع بعض ،، نضيف الماي ونضبط الملح ، وبس يغلي الماي نضيف العيش ونخليه لين ينشف الماي ، بس ينشف الماي نغطيه ونقصر النار ونخليه يطبخ على راحته .

وبالعافية