مقلوبة الريش مع الزعفران ومخلل المانجا اللذيذة

👌🏼 🔶المقادير: 🔸كيلو ريش غنم
🔸بيديان صغير مقصوص بالنص 🔸بيبي بوتيتو مقصوص بالنص 🔸قلاصين ارز بسمتي مسلوقين نصف استواء
🔸كوب سمن نباتي 🔸كوب بصل ابيض / نص ملعقة طعام ثوم مهروس
🔸حبتين طماط مقصوصين مكعبات صغيرة
🔸علبة ونص روب كامل الدسم 🔸 علبة معجون طماط 🔸 كوب ونص اجار مانجا
🔸قفشة ونص بهار مشكل (كركم-كمون-كزبره-زنجبيل) / ملح
🔸نص م.ط الزعفران المطحون / ١/٢ كوب منقوع الزعفران 🔸كوبين ماي 🔸بقدونس للتزين 🔷الطريقة:
🔹طريقة الحمسة : بجدر نحط كوب السمن النباتي ونحمس فيه البصل شوي تالي نضيف الريش ونشوحهم مع البصل لين يتغير لونهم .. نضيف عليهم بهار مشكل وثوم مهروس ونقلب .. نضيف الطماط المقصوص مكعبات والبيديان والبطاط ونحمسهم عدل مع بعض .. نضيف الروب ونقلبه معاهم عدل .. بعدين نضيف اجار المانجا ونخلطه عدل .. تالي معجون الطماط ونص كوب منقوع الزعفران ونص قفشة الزعفران المطحون وكوبين ماي نحمسهم عدل .. نخليهم على نار متوسطة لمدة ١٥ دقيقة .
🔹بجدر ثاني نحط طبقة من العيش اللي سلقناه طبقة بسيطة تالي نصب فوقها من حمستنا البطاط والبيديان من دون المرق والريشة .. ونصف فوق الحمسة الريش .. بعدين نصب باقي الحمسة (المرق نخليه على جنب نقدمه بروحه مع المقلوبة ) ونرد نصب باقي العيش وعالويه نصب منقوع الزعفران .. نغطي الجدر بقصدير ونخليه لمدة ١٠ دقايق على نار متوسطه .. نقدمها ونزينها بالبقدونس .. وبالعافيية عليكم