طبقات الربيان مع الكاري والعيش 🍤
🔶 المقادير:
🔸٣ كيلو ربيان نظفه عدل من الظهر ونشيل كل القشر (ممكن استبدال الربيان باللحم او الدياي حسب الرغبة)
🔸٢ قلاص ونص عيش بسمتي نغسله ونقعه 🔸البهارات (كركم / ورق غار / كاري/ملح )
🔸كوب بصل شرايح
🔸٢ كوب فلفل اخضر بارد شرايح 🔸ملعقة طعام ثوم مهروس 🔸٣ حبات بطاط مكعبات مقلية (اختياري)
🔸٢ كوب حليب جوز الهند 🔸نص قلاص ماي 🔸ربع كوب زيت نباتي 🔸بصل مقرمش للتزين 🔷الطريقة:
🔹العيش : بجدر نحط ماي وشوية ملح ونخليه لين يغلي الماي تالي نصب فوقه العيش ونخليه يستوي نص استوا ونشخله بمشخال ونخليه على جنب .
🔹الربيان : نحط الربيان بجدر ونحط عليه٥ حبات ورق غار وملعقة طعام كركم ونقلبه لين يتغير لونه وينزل الماي منه ونشخله ونخليه على جنب .
🔹 نحط ربع كوب زيت زيت نباتي ونحمس فيه كوب بصل شرايح ونقلبه لين يذبل شوي تالي نضيف ملعقة طعام ثوم مهروس ونقلبهم مع بعض ونضيف ٢ كوب فلفل اخضر بارد ونحمسهم مع بعض تالي نضيف ٤ حبات ورق غار و٢ ملعقة طعام كاري ونضيف الربيان ومكعبات البطاط ونحمسهم عدل مع بعض ، اخر شي نضيف ٢ كوب حليب جوز الهند ونص قلاص ماي ونضبط الملح ونخليهم على النار يطبخون .
🔹في جدر نحط طبقة من العيش وفوقها طبقة من صلصة الربيان تالي طبقة من العيش وبهالطريقة نسوي طبقات ونغطيه بقصدير .. نخليه على نار متوسطة لمدة ١٥ دقيقة تالي نقدمه ونزينه بالبصل المقرمش وبالعافية