- 152
- 0
- السبت, 13 مايو, 2017 - 2 , مساءً
- التقييم:
(1 votes, average: 5.00 out of 5)
الطريقة و المقادير
ربيان بصلصه الليمون والزبده
كيلو ربيان منزوع الراس نفتحه من الظهر و نخليه مثل الفراشه ونخلي القشر مانشيله
نتبله ١ م.ط ثوم و نص كوب صلصه صويا ونص كوب ليمون ورشه ملح عقب نحط عليه تقريبا نص كوب طحين ابيض ونقليه بزيت غزير لمده ٣ دقايق عقب نتركه على جنب بمشخال علشان نصفيه من الزيت ونحطه في ماعون التقديم
صلصه الليمون والزبده:
المقادير:
قالب زبده
٢ م.ط بصل
نص كوب ليمون
رشه ملح حسب الرغبه
نص كوب كزبره خضراء
علبه كريمه سائله ٢٥٠ مل
١ م.ط ثوم
الطريقه:
نذوب الزبده في جدر ونضيف لها البصل ونقلبهم وعقب نضيف الثوم و نخلطهم مع بعض وبعدها نحط الكزبره الخضراء و نحط الكريمه لم تثقل الصلصه نضيف عصير الليمون و رشه الملح و نخليه لم يغلي ويثقل شوي بعدها نطفي النار ونصب الصلصه على الربيان المقلي ونقدمه بالعافيه
