مموش ربيان

٢ كوب ارز بسمتي
١/٢ كوب ماش
٣ كوب كزبره
٦ حبات بصل حق الحشو و ١/٢ كوب حق حمسه العيش
٣ كوب اشبنت
٢ حبه طماط مكعبات طماط
٢ م.ط ثوم ثوم
٢ كوب سمن
٣ كيلو ربيان طري مقشر
٢ م.ط بهار مشكل
١ م.ش هيل مطحون
١ م.ش لومي مطحون
٢ فلفل اخضر حار
بهارات عدله(هيل- دارسين-ورق غار-لومي)
الطريقه : نحط الربيان بجدر بروحه مع ١/٢ م.ط بهار مشكل ونخليه بس يقلب لونه وينزل الماي ونشخله ونخليه على جنب .
طريقه الحشو:
نحط البصل ٦ اكواب في مقلاه مع نص م.ط ملح ونقلبه بدون اضافه اي شي ثاني لم يصير لونه بني ويذبل ونرش عليه ماي ونرجع نقلبه ونرش ماي لم يذبل عدل بعدها نضيف ١ كوب سمن و نقلبهم عدل ونحط عليه كوب اشبنت و كوب كزبره خضراء و ١ م.ط بهار مشكل و ١ م.ط ثوم ونحمسهم ٥ دقايق لم تذبل الخضره اللي حطيناها عقب نضيف الربيان اللي بالمشخال ونضيف الهيل واللومي المطحون ونعدل الملح ونخلطهم مع بعض عدل ويكون الحشو جاهز
طريقه العيش :
في الجدر نحط كوب سمن ونضيف له نص كوب بصل مكعبات لم يصير لونه اشقر ونضيف الفلفل الاخضر الحار والبهارات العدله (هيل-ورق غار-لومي حبتين- دارسين) ونقلبهم و عقب نضيف ١ م.ط ثوم و ١ م.ط بهار مشكل ونقلبهم بعدها نضيف كوبين كزبره وكوبين اشبنت و الطماط المكعبات ونحمسهم تقريبا ١٠ دقايق لم يذبلون وبعدها نضيف ماي مغلي ونعدل الملح بس يغلي المروق مالنا نضيف الماش نخليه يطبخ ٥ دقايق بعدها نضيف الارز ويكون مستوى الماي ١ سم فوق العيش ونخليه يتسكر على نار وسط .
في ماعون التقديم نحط العيش وبعدها الحشو مال الربيان على الوجه وممكن نزينه بشرايح ليمون او شويه بصل مقرمش وبالعافيه