- 181
- 0
- الثلاثاء, 4 ديسمبر, 2018 - 12 , صباحًا
- التقييم:
الطريقة و المقادير
سويت وصفة اللحم هذي بنكهة عربية وفكرة تركية وستايل مغربي ههههه المهم طلعت شي جبار كان ودي احطها بطاجن بس ماعندي طاجن يكفي
اللحم مقطع كبار من لحم الضحية
التتبيلة
لكيلو لحم
نص م ص كل من ( فلفل اسود- كمون -كزبرة-زنجبيل بودرة-كركم -زعفران -بهار مشكل -بهار عثماني)
م ك معجون طماطم ومعجون فليفلة
عصير ليمونة -ربع ك زيت زيتون
تبلت اللحم بدون ملح بهالخلطة وحطيت صينية فرن فيها بصل وثوم وحطيت اللحم فوقها وصفيت الخضار كل شي مقطع كبار بيبي جزر او جزر مقطع اصابع وبطاطس مقطع ودجز عريض وفلفل بارد وطماطم واي خضار تحبون
باقي التتبيله احط عليها ماء مقدار كوب مذاب فيه ماجي تركي او اي نوع تحبون واصبه على اللحم والخضار
اغطيه بورق زبدة ثم قصدير واكتمه مضبوط ثم ادخله فرن على حرارة ٢٠٠ م لمدة ساعة او ساعة وربع افتح واحط الملح والحمص ( البليلة) واغطيه وارجعه الفرن على حرارة ١٨٠م مدة ساعتين الى ساعتين ونص واذا الذبيحة ارباع نزود الفترة
بيطلع اللحم ذايب والعظم يطلع من اللحم
ماحتاجت اكشف عنها واحمرها تحمرت زين
قدمتها مع رز بالطريقة الي تحبون نفس رز المناسبات الي سويته من قبل معاكم
