- 129
- 0
- الثلاثاء, 4 ديسمبر, 2018 - 10 , مساءً
- التقييم:
الطريقة و المقادير
كبسة سمك لذيذة موووت
الفيديو موجود يوتيوب
لاازم تجربونها نوع السمك عندق كبير
نجهز الحشو طبعا انا كنت مسويته ومفرزنته اسهل لي
بصل يذبل واحط عليه موي شوي واكرر العمليه لين يتكرمل ثم اضيف حمص مجروش مسلوق وبطاطس مقلية والملح وبهار الحشو من @best_world_store وكركم وليمون اسود وهيل ومنقوع الزعفران
نملح السمك ساعة ثم نغسله ونبهره ببهار مشكل ونقليه
في القدر حطيت بصل لين ذبل ثم بهارات صحيحة ثم ٤ حبات طماطم مفروم وفلفل بارد وفلفل حار كامل وكزبرة خضراء وبهار مشكل ومكعب ماجي او بديله وشوي كركم اختياري واخليه يتطابخ ثم اضيف عليه قطع السمك واخليها شوي واحط الماء واخليه يعلي غلوتين واشيل السمك عشان مايتفتت وبعدين واضبط الملح واحط الرز طبعا حطيت لكل كاس رز كاسين ماء ولما بختفي الماء ارجع السمك للرز واحاول ادفنه شوي واخط الحشو على جنب وشوي من زيت قلي السمك واغطيه واهدي الحرارة لمدة ٣٠د وخلاص بالف عافية مع دقوس الفلفل كلام كبير
