مندي لذيذ بسيخ الشواية
نتبل الدجاج بالتالي
ابخر زيت بالفحم ( اشعل فحمه واحطها بقصدير او فنجان وسط الزيت واصب عليها زيت وبس يطلع دخان اكتمه عشان الزيت ياخذ نكهة الفحم ( كركم ولون زعفران وزعفران وبهار مشكل وشوي ليمون وم ص ماء كادي وزيت مبخر وماءوملح) اتبلها من داخل وبرا
احشي الدجاج بصل وليمون وثوم واكتفها او اربط رجولها واحطها بسيخ الشوي
__________________________
في صينية فرن او قدر يدخل الفرن
نحط رز مزة مثل الوليمة وبصل مكعبات كبيرة وطماطم مكعبات كبيرة وفافل بارد ومكعب مرقة الدجاج وملح وهيل صحيح وقرفة صحيحة ووزق غار والي يحب فلفل حار علوب
والماء وشوي من الزيت المبخر
اغطيه بالقصدير واسوي فيه فتحات
اركب سيخ الشوي وتحته الرز عشان يندي عليه وياهذ من نكهته على حرارة ١٨٠ بياخذ له ساعتين
لو الرز باقي فيه سايل طلعي الدجاج وشغلي الفرن فوق وتحت تقريبا ١٥-٢٠ د وهو مكتوم انا احتاج وقت اقل حسب فرنك
وبس بالعافية
الي ماعندهم سيخ شواية يحطون الدجاج فوق القصدير بالفتحات ويكتمونه ويطبخونه على حرارة ٢٥٠ لمدة ساعة
حطيت كاسين رز وعليه ثلاث كاسات ونص ماء
المندي لازم مزة او سيلا