المرقوق اللذيذ بطريقتي اللذيذة
في القدر حطيت زيت او سمنة واخليه يصير حار احط البصل لين يذبل ثم اضيف اللحم واخليه ياخذ لون ثم اضيف له الطماطم المعصور ومعجون الطماطم واخليه يتسبك واحط البهارات م ص من كل من فلفل اسود وكركم وبهار مشكل وكمون ونص م ص ليمون اسود وشوي ماء واخليه يطبخ عشر دقايق او ربع ساعة ثم اضيف الماء واخليه بقدر الضغط تقريبا ٤٠د
اجهز عجينة مكونة من كوبين وربع طحين دبي او القصيم لاتستخدمون فوم بر لانه ثقيل ورشة ملح وم ك زيت و٣/٤ ك ماء واعجن عجينه لينة واتركها ترتاح وكل ماطولت احسن ثم اكورها كور بحجم البيضة
نرجع لقدرنا نفتحه ونحط الملح تقريبا ملعقتين صغار و اضيف الخضار الي تحبون كوسا وزهرة وجزر انا اضيف بطاطس طبعا ماينحط بس انا احبه والقرع اخليه اخر شي واضفت ليمون حب وقرفة حب وفلفل حار علوب
نفرد العجين وحدة وحدة واحطها فوق المرق بتنتفخ ويتغير لونها ازحمها شوي بالملعقة واحط الثانية وهكذا اذا خلص احط القرع واهدي الحرارة واتركه من نص ساعة الى ساعة لين كل شي يستوي احب اضيف له كزبرة خضراءطبعا هو ماينحط بس في الطبخ حطي الي تحبين
لو عندك مسمنة سوي بصل ومسمنة وحطيه فوقه يطلع شي خرافي بس عيلتي مايحبونها😭