برياني الدجاج
/المقادير
٢ كيلو صدور دجاج تندر طريه نقطعهم مكعبات
كوب بصل مقطع اجنحه/كوب طماطم مكعبات
ملعقه طعام ثوم +ملعقه طعام معجون الزنجبيل
٢ علبه معجون طماطم/٢ علبه حليب جوز الهند
٢ علبه كريمه سائله/٢علبه روب
٢ ملعقه سمن /١ شده كزبره/ربع كوب ماي ورد
١ شده نعناع فريش اخضر/ زعفران منقوع
٨ ملاعق طعام بهارات مسالا البرياني اذا كان البهار نوعه خشن وناعم (يعني مثلا في نوع يكون فيه مطحون وفيه دارسين اعواد وورق غار )و ٤ ملاعق طعام اذا كان مركز بس مطحون
٣ اكواب ارز بسمتي مسلوق نص سلق
الوان بودره نذوبهم بماي دافي.(اخضر-احمر او وردي)
الطريقه
خلطه البرياني
نحط السمنه +البصل والثوم والزنجبيل والطماط
ونحمسهم على النار بعدين نضيف
الدجاج المقطع ونحمسه معاهم ٥ دقايق عقب نضيف
الكزبره و بهارات البرياني ونقلبهم وعقب نضيف الروب
ونقلب ونخلطهم عدل . بعدها نضيف الكريمه
وحليب جوز الهند و معجون الطماط ونتركهم
على النار واللي يحب يضيف الصبغه البودره البرتقاليه و بس يغلي الخليط نخليه يطبخ
من ربع الى نص ساعه على حسب استواء الزجاج عقب نطفي النار.
الارز
نسلق الارز بماي مغلي نخليه يستوي
نص يكون ليلحين حب شوي من داخل ونشخله
عقب انحط الجدر على النار مع نص كميه الارز
ونضيف فوقه الدجاج مع نص مرق الخلطه
اللي سويناها مالت الدجاج
ونحط فوقهم النعناع الاخضر
وبعدها نحط باقي الارز ونضيف على
الوجه الالوان والزعفران وماي ورد ونغطي الجدر
بقصدير ونخليه لمده ١٠ دقايق يتسبك على النار
. بعدها ننجبه في ماعون التقديم ونزينه
بشرايح البصل المقرمشه مع البقدونس
والمكسرات وبالعافيه