شرايح اللحم بالبروكولي مع الارزالامريكي
مقاديرالارز الامريكي:
١ ونص كوب ارز امريكي ماركة “انكل بنز”
٢ م.ط زبده – ملح -٣ اكواب ماي
الطريقه:
نذوب الزبده بالجدر و نقلب معاها الارز الامريكي لمده دقيقتين عقب نضيف ٣ اكواب الماي و نحط ملح حسب الرغبه ونخلي الارز يستوي على نار متوسطه لم يقل الماي نغطي الجدر و نخليه على نار هاديه لم يستوي عدل.
مقادير شرايح اللحم بالبروكولي:
١ كيلو لحم ستروغونوف او شرايح ستيك اي نوع تبون
نتبل اللحم ب الآتي(٢ م.ط نشاء/ ١/٢ كوب صلصه صويا/ فلفل أسود)
١ كوب زيت نباتي
١/٢ م.ط ثوم ١/٤ م.ط زنجبيل فرش
( الصلصه نخلط ٢ م.ط سكر بني/١م.ط نشاء/ ١/٢ كوب صلصه صويا /١ كوب صلصه محار /٣م.ط زيت سمسم /كوب ونص ماي )
١ بروكولي كبير نقطعه وردات
الطريقه :
في مقلاة عميقه نحط كوب الزيت وبعدها نضيف الزنجبيل و الثوم ونقلبهم وبعدها نضيف اللحم مع التتبيله مالته ونقلبه بالزيت لمده ٧ دقايق وبعدها ونضيف الصلصه اللي خلطناها لم تثقل واخر شي نضيف البروكولي و نخليه ٥ دقايق على النار بعدها نطفي النار و نقدمه