المقادير
٥٠٠ جرام كوسه مبشورة ومعصورة من الماء حقها
حبه بصل ابيض متوسطه مقطعه قطع صغيرة
ثلاث فصوص ثوم مقطعه قطع صغيرة
تقريبا ربع كوب كزبرة طازجة
ربع كوب جبن بارميزان
كوب وربع بقسماط وانا استخدمت اللي بالنكهه الايطالية
حبتين بيض
البهارات عبارة عن ربع ملعقة صغيرة من ( فلفل. كمون. كزبرة)
نص ملعقة صغيرة ملح او اكثر حسب الذوق
للحشوة : جبن موزريلا مكعبات تقريبا ٢٠٠ جرام
.
الطريقة:
في زيت وعلى نار وسط نحمر البصل حتى يصير لونه ذهبي يعني تقريبا من ٣-٥ دقائق
ثم نضيف الثوم ونحركه قليل يعني تقريبا نص دقيقة
ونطفي النار ونخليه يبرد قليل قبل نضعه مع الكوسه
ثم نبشر الكوسه ونعصرها من الماء حقها
ونضيف لها البهارات والكزبرة والبصل والثوم والبارميزان ونص كمية البقسماط ونحركها خفيف ونضيف البيض ونخلط
ونضيف باقي البقسماط ونخلط حتى نحصل على خليط متماسكه
ولا نطول في الخلط
ثم نشكلها على شكل كورة ونضع بداخلها جبن الموزريلا ونكورها تمام
ثم ندخلها الفريزر تقريبا ١٥ دقيقة تتماسك
نسخن الزيت على حرارة وسط ونضع الكورات فيه ونقلبها حتى تستوي وتاخذ تقريبا خمس دقائق
ثم تتقدم مع اي صوص انتم حابين وعليكم بالعافية