ستيك بالتتبيله الهنديه والزعفران
٥ قطع ستيك تندرليون متوسطة الحجم نتبلهم ب(١ علبه روب ، ١م.ط ثوم،١ م.ط كاري او اي نوع بهار هندي مخلوط، ١/٢ م.ط كمون مجروش، ملح وفلفل أسود، ١/٢ م.ط زعفران بودره مع زعفران الخيوط العادي)
١/٢ قالب زبده – نذوب الزبده في مقلاة ونحمر شرايح الستيك من الجهتين وعقب نحطهم في صينيه وندخلهم فرن بدون مانغطيهم والفرن نشغله بس من تحت على حراره ١٨٠ ونخليه بالفرن لمده ١٥ دقيقه وبعدها نطلع الستيك ونغطيه ونخليه يرتاح شوي
– صينيه البطاط والفليفله:
٣ حبات بطاط نقطعهم دوائر و٣ حبات فليفله ملون نقطعهم شرايح طويله نحطهم في بايركس ونتبلهم ب(١م.ط ثوم، ١ م.ط كاري او اي نوع بهار هندي مخلوط، ١/٤ كوب زيت زيتون، ١/٢ م.ط كمون مجروش،١/٢ م.ط زعفران بودره مع زعفران الخيوط العادي، ملح وفلفل أسود) نتبل البطاط والفليفله وعقب نغطي الصينيه وندخلها الفرن لمده ٤٠ دقيقه من تحت على حراره ١٨٠ درجه وعقب نشيل القصدير ونشغل الفرن من فوق لم يتحمر البطاط شوي .
– صلصه الروب: “علبه روب + ١/٤ م.ط ثوم+١ م.ط عصير ليمون، رشه كمون مجروش، ملح وفلفل أسود” نخلطهم مع بعض ونقدمهم مع الستيك والخضار
وبالعافيه