- 67
- 0
- الأربعاء, 6 فبراير, 2019 - 1 , صباحًا
- التقييم:
الطريقة و المقادير
وصفة بسيطة وباستخدام بضع مكونات، طيبة وممكن تعدلوا فيها براحتكم
–
الطريقة:
غطيت فيليه السمك بطحين (ممزوج مع كزبرة مطحونة وبهارات السمك وبودرة الثوم، ملح وفلفل اسود ) طبعا ممكن تستعملوا اي بهارات بتحبوها أو حتى ملح وفلفل اسود بس
–
على نار عالية شوي مع شوية زيت حست قطع السمك فيليه، ما بياخد سوا كتير، رح ياخد لون ذهبي حلو، منشيلهم ومنحضر الطحينة –
صلصة الطحينة احنا منحبها حااامضة، حطيت فنجان طحينة مع عصير ليمونتين وحوالي كاسة ميي (عدلوا النسبة زي ما بتحبوا)
–
حطيت الصلصة على النار وتركتها تتسبك (أو تعقد) وبعدين ضفت السمك على الصلصة وتركتها كم دقيقة على النار
–
منرش عليها كزبرة ومنقدمها مع بطاطا مقلية، ممكن مع رز ازا بتحبو
–
⚠️⚠️⚠️ ممكن تضيفوا بطاطا مستوية للصلصة أو أي شي بتحبوه، حتى نوع السمك والبهار بكيفكم، انا بعطيكم الوصفة العامة.
–
صحة وهنا .
