المقادير : نغسل سمك الكنعد جيداً .. ثم ننشفه من الماء .. ونعصر عليه ليمون ونفركه بالثوم المهروس ونرشه بالبهارات التاليه ” فلفل اسود – ملح – كمون – كزبره مطحونه – بهارات سمك – بهارات مشكله – ملح الليمون ”
:
ثم نضع السمك في مصفاه ونضع فوقه اي شي ثقيل .. عشان تنزل مويه السمك ويتشرب السمك البهارات ويقرمش👌🏻 يفضل تسوين هالطريقه قبل قلي السمك بثلاث ساعات
:
:
قبل القلي مباشره .. نغمس السمك في القليل من الطحين.. ونقليه بالزيت الساخن لين يتحمر ويستوي 💗
:
:طريقه عمل الرز : نغسل الرز وننقعه لمده نص ساعه .. استخدمت رز انديا جيت .. في قدر على النار نضيف شوية زيت ..وبهارات حب غير مطحونه .. وورق كاري ان وجد .. وقرون فلفل .. مجرد تطلع ريحة البهارات نضيف الرز ونحمسه مع البهارات لثواني بسيطه .. ثم نضيف الماء الحار .. والملح .. وبصل بودره ……. نغطيه .. ونخليه على نار عاليه لين ينشف الرز .. ثم نقصر النار للاخر لين يستوي الرز ..💜
:
:كشنه الزركش والبصل : نحمس البصل المفروم بشوية زيت زيتون .. واذا تحمر البصل نضيف له شوية ملح وفلفل اسود مطحون وبهارات مشكله .. نضع البصل على جانب التاوه .. ونضيف الزركش ونحركه شوي لين ينتفخ .. ثم نصب فوقه زعفران منقوع بماء ورد .. ونخلط الكشنه كامله مع بعض البصل والزركش ثم نطفي النار عليهم ..
:
:
عند التقديم : ناخذ ملعقه كبيره من الرز الابيض ونضيفه فوق الكشنه ونحركهم مع بعض عشان يتلون الرز بلون الكشنه …. نغرف الرز الابيض بطبق التقديم ونضيف فوقه الرز المخلوط يالكشنه .. ثم نضيف السمك المقلي .. ونزينه بالكزبره الخضراء وحلقات الليمون 🍋🍃وبالعافيه💜 ..
.
..
..
ملاحظه : اذا لم يتوفر الزركش استخدمي الزبيب .. مع ان الزركش الذ .