مقدار العجينه:
٣اكواب طحين أسمر
ملعقة طعام خميره فوريه
نصف كوب زيت
سكر مطحون ربع كوب
كوب وربع ماء او اكثر شوي على حسب نوع الطحين الأسمر
حليب مجفف ربع كوب
نصف ملعقة شاي ملح
٠
نخلط الخميره مع الماء الدافيء ونتركه شوي ..
نخلط المقادير الجافه مع بعض ونحفر بالوسط حفره ونسكب الماء المخلوط بالخميره ونضيف الزيت عليه ونعجن ونتركه يتخمر ساعه الا ربع او اكثر على حسب حرارة المكان كل ماكان دافي كل ماقلت مدة التخمير للعجين
٠
نكور العجينه ونحشيها بجبنة كيري القطعه الوحده قصصيها ٩ قطع ٠٠
اغمسيها بقرفه مخلوطه مع سكر مطحون ناعم (ملعقة قرفه لملعقة سكر تقريباً) وتقدرين تقللينه حسب رغبتك .. احتجت ٣ ملاعق قرفه لملعقتين سكر مطحون بوصفتي .. وبعد ماترتبينه في الصينيه (اتركيه ربع ساعه يتخمر مره ثانيه قبل تدخلينه الفرن ) .. مهمه هالنقطه بتعطيك هشاشه أكثر .. دخليه الفرن لحد ماينضج (اذا ضغطتي على القطعه ورجعت نفس ماكانت فهي ناضجه) ..
٠
بعد ماتطلعينه من الفرن رتبي كرات القرفه في صحن التقديم واسكبي عليها صوص التوفي العجيب ومقاديره:
٠
كوب سكر يذوب على النار ونسكب عليه
قشطه دافيه منقعه بماء حار او تسكب القشطه في صحن وتسخّن بالمايكرويف
وربع علبة القشطه ماء وملعقه صغيره قهوه سريعة التحضير
وخمس ملعقة طعام هيل ناعم .. نحركه على النار الهاديه ونضيف آخر شي ملعقة طعام زبده مذابه .. تركته يبرد شوي وسكبته بقمع التزيين
وزينيها باللي تحبين
زينتي كانت جوز هند مشقّر وورق ورد مجفف .. وبألف عافيه ♥️
** وبيكون الطبق ألذ لو قدمتيه مباشره بعد الفرن وهو ساخن 😋