المقادير :

للحشوة نحتاج:
ثلاث اكواب رز مصري مغسول ومنقع نص ساعه
شدة كزبرة او نص شدة بقدونس و نص شدة كزبرة
ثلاث حبات طماطم متوسطة مقطعه صغيرة
بصله واحدة متوسطة مقطعه صغير
ثلاث ارباع كوب عصير ليمون
ثلاث ملاعق كبيرة زيت زيتون
ثلاث ملاعق كبيرة دبس رمان
ملعقة كبيرة معجون طماطم
ملعقة كبيرة ( كمون. كزبرة. ملح)
نص ملعقة كبيرة ( فلفل اسود. بهارات مشكلة)
.
علبة ورق عنب وضروري يكون نوعية ورق العنب حلوه وانا استخدمت اورلاندو مره ممتاز .
حبتين بطاطس مقطع شرايح
.
ولتسقية في الاخير نحتاج:
ثلاث ارباع كوب عصير ليمون
نص كوب زيت زيتون
ربع كوب دبس الرمان
كوبين الا ربع ماء ساخن يمكن اقل او اكثر على حسب قدركم اهم شي انا ما نغطى ورق العنب بالماء
.
الطريقة:
نخلطها مقادير الحشوة مع بعض ونخليها ترتاح تقريبا من ١٥-٢٠ دقيقة علشان تتداخل النكهات كلها مع بعض.
نجيب ورق العنب ونغسلها خفيف ونصفيه من الماء ونحشيه بالحشوة مثل ما صورة لكم
و بعد الإنتهاء من اللف نصف في قاع قدر الضغط بطاطس ونرص الورق نرص طبقتين ثم نحط طبقة بطاطس ثم نرص الطبقة الاخيرة
وبعدين نحطه على النار ونخلط كل مكونات التسقية الا الماء لان مقداره يختلف على حسب قدركم ونصبها على ورق العنب ثم نضع الماء بس ما نغطي ورق العنب بالماء فقط اذا ضغطنا عليه يبين الماء
ثم نرش عليه ملعقة صغيرة كركم وملح ونضع ثقل واذا مو متوفر سووا مثل ما سويت انا اي شي في المطبخ حطوه 😬
ونقفل القدر ونخليه على نار اعلى من الوسط حتى يحبس بخار ثم نقصر النار على اهدى شي مدة ٤٥ دقيقة
ونطفي النار ونخليه الى ان يبرد تماما بعدين نفتحه علشان ما يسود عليكم وانا غالبا اخليه ١٠ ساعات ..

وبالعافية عليكم