•اول شي ننهنه الجريش على النار من غير اي إضافه مع الاستمرار بالتقليب لغاية ما يتغير لونه وتالي نغسله ونخليه بمشخال لين ينشف منه الماي ونطبخ اللحم ونحط مع سلق اللحم حبتين بصل وراس ثوم وحبتين طماط وبهارات عدله مثل الهيل والدارسين والقرنفل بدون إضافة الملح ونخليه يطبخ لين يستوي اللحم وإخر شي نضيف الملح ونصفي ماي سلق اللحم علشان نسقي فيه الجريش واللحم نحطله خليط من الكاتشاب وصويا صوص وباربيكيو صوص او شوية هيل ودارسين وزعفران وندخله الفرن
طريقة الجريش المنهنه
نحط شوية زيت بجدر ونضيف بصلتين مفرومين ونحمسه لين يذبل نضيف عليه حبتين طماط مفروم ونضيف البهارات كمون وكاري وبهار اللحم وثلاث حبات لومي و شوية ملح لا تكثرون من الملح لانه ماي سلق اللحم فيه ملح ونحمسه عدل وتالي نضيف عليه الجريش ونقلبه شوي وانا اليوم ظفت شويه من الشعريه المحموسه هذي إضافه منى وتقدرون ما تضيفون الشعريه ونصب عليه ماي سلق اللحم ونخليه يطبخ لين ينشف منه الماي واذا احتاج نضيفله على دفعات ونخليه على نار هاديه لمدة ٤٠ دقيقه ونقدمه مع الحشو واللحم وطريقة الحشو نفس الطريقه الي نسويها لمجبوس اللحم والدجاج وبالعافيه