الطريقه ✨
اول شي حمست حبه بصل احمر مفروم الى مايذبل واضفت عليه تقريبا ربع كيلو لحم مفروم وفتته بالشوكه اضفت البهارات ” فلفل اسود + كمون + بابريكا + رشة ملح بعدها اضفت صلصة الطماط الجاهزه على اللحم ماخليتها تغلي كثير لاننا نحتاج مويتها واضفت مكعب ماجي واحد ، لاتخلونها تنشف اذا ماعندكم صلصة ممكن بالخلاط ” ٥ حبات وسط طماط + مع ملعقة معجون طماط ” بتكون خفيفه اكثر من الجاهز بس خلوها تطبخ وتنشف نص مويتها طريقتي بالبشاميل : ملعقة كبيره سمن ملعقتين كبار طحين تقريبا احركه بسرعه قبل يتكتل واضيف حليب طازح المراعي واضيف ملعقتين طحين واحركه واحط حليب واحركة الى مايغلي ويثقد ، استخدمت نص علبة المراعي اخر شي اضفت كريمة الخفق او طبخ ربع كاسة تقريبا ومكعب ماجي وبصينية حطيت او طبقة من الصلصه واللحم المفروم وفوقها اللازانيا بدون سلق بس نكسرها عشان تستوي بسرعه ويصير التقطيع ارتب واسهل بعدين طبقه من اللحم والبشاميل وجبن موزريلا وجبن هنقاري وبارميزان .. وتقدرون تستخدمون اي نوع جبنه عندكم ونكرر الحركه لين تصير ٤ او ٣ طبقات واخر طبقه راح تكون بشاميل و الاجبان اخر شي نصب بطرف الصينيه مويا مغليه تقريبا ربع كاس وندخل الفرن لمدة ٢٠ – ٢٥ دقيقه من تحت على درجه ١٦٠ وبآلعآفيه
❤️ ❤️
.