- 133
- 0
- الجمعة, 27 سبتمبر, 2019 - 5 , مساءً
- التقييم:
الطريقة و المقادير
صباحكم /مساءكم يسر لا يتبعه عسر
وصفة اليوم من مطبخ كويتيات
🥒🥛كوسا باللبن🥒🥛
المقادير:
كيلو كوسا
لحم/دجاج مفروم ٤٠٠ غرام (نص كيلو)
صنوبر محمص (نحمصه بشويه زيت زيتون)
مقدار ربع بصله بيضاء نقطعها مكعبات او نفرمها فرم
٣ فصوص ثوم مهروس – رشة فلفل اسود – ملح – رشة قرفه مطحونه .
اللبن:
زبادي ٥٠٠ غرام العلبه المتوسطه
لبن ٣٦٠ مل (العلبه المتوسطه) تقريبا كوبين
حليب مقدار كوب ونص ل كوبين (ع حسب الكثافه الي نبيها)
٣ ملاعق كبيره نشأ ونذوبها بالحليب
ملح
الطريقه:
في تاوه نحط زيت مقدار ثلاث ملاعق كبيرة نحمس البصل لحد يذبل ونظيف الثوم واللحم المفروم ونخلي اللحم لحد يستوي ويتغير لونه وينشف من الماي تماماً نحط الحشو ع صوب ونفرغ الكوسا ونبدا نحشي الكوسا بحشوة اللحم الي سويناها ونضغط عليها عشان ماتطلع وقت القلي
في مقلى نحط زيت ويكون غزير ونقلي فيه الكوسا لحد يصير لونهم ذهبي نطلعهم ونخليهم ينشفون من الزيت فوق ورق او مشخل
لتجهيز اللبن نخلط جميع مقادير اللبن بعدين نحطه ع النار ونخليه لحد يغلي وقت التقديم نحط الكوسا داخل اللبن ونخليهم يغلون مع بعض شويه ونقدمهم مع رشة نعناع مجفف وصنوبر
💖وبآلعآفيه 💖
نقلا عن الشيف 6b5km 💕
