- 105
- 0
- الثلاثاء, 23 مايو, 2017 - 11 , مساءً
- التقييم:
الطريقة و المقادير
وصفتنا اليوم برياني الربيان
اول شي حطيت كميه من البصل في مقلاه وخليته يتحمر بدون زيت يعني خلوه ينشف شوي تالي بخوه بشوية ماي لين يتحمر تالي ضيفو عليه شوية زيت تالي ضيفو الثوم والربيان من غير سلق وحمسوه شوي وضيفو البهارات كركم وكمون وكزبره ولومي عماني والملح وضيفو فلفل أخضر حار انا اليوم ما كان عندي وآخر شي ضيفو الكزبره الطازجه والشبنت وخلوه ينحمس عدل وخلوه على نار هاديه مدة عشر دقايق وسويت عيش مشخول وحطيت حشوة الربيان وضفت عليه زعفران بالنص بين طبقتين من العيش وحطيت شوية زيت على العيش من فوق وخليته على نار هاديه وتحته الحديده وبخليه تقريبا ٣٠ الى ٤٠ دقيقه
