تفريز محشي الملفوف وورق العنب 👍🏻😋
اذا عندكم وقت جيبي الملفوف وشيلو قلبه الدائري وغلفوه زين ودخلوه الفريز يومين ثلاثه قبل الاستعمال طلعوه يفك ويذوب وفككوا الورق
اذا ماعندكم وقت زيي شيلوا قلبه وحطوه بقدر فيه ماء مغلي معه كمون وغطسوه واتركوه يغلي وابتدوا باالملعقه فككوا الملفوف وغطسوه جوا الماء خمس دقايق وطلعوا ورقه ورقهرثم قصصوه مثل ماهو واضح باالفديو طريقه الحشو موضحه لكم باالفديو
قبل نرص المحشي نفرش في القدر باقي ورق الملفوف وبصل وفلفل وبطاطس ونرص فوقه الملفوف ونضع عليه ثقل يمسكه ضروري الثقل يكون قد القدر عشان مايتفكك اللي ع الاطراف انا ماعندي الا صغير واستخدمته
طريقة حشوة المحاشي عامه
١/بصل مفروم يقلب ع النار مع زيت زيتون حتى يذبل
٢/نضع عليه بودره ماجي وملح وكزبره وفلفل اسود وفلفل احمر وكمون وبهار عثماني
٣/نضع عليه طماطم معلب مخلوطه باالخلاط او اذاء مقطع ماله داعي اذاء بتحطين طماط عادي ضيفي معاه صلصه ونتركها ع النارتتسبك
٤/نغسل الرز المصري ونصفيه من الماء تماماً
٥/نضع الصلصه على الرز ونقلبه كويس ونذوق الملح لو محتاج نزود
٦/نضع على الحشوه دبس رمان اذاء حابين وشوي صفار الزعفران يعطي لون جميل
٧/نفرم صرة كلاً من كزبره بقدونس شبت ونص صره نعناع ونخلطها مع الرز
٨/نبداء نلف الملفوف ونرصه بعلبه ونقفلها زين ونغلها زياده عشان ماتطلع ريحة الملفوف باالفريز وندخلها الفريز وقت ماتبون طلعوه وهو مثلج ورصوه بقدر تحت اي نوع خضار واسقوه باالتسقيه واطبخوه وباالعافيه نفس الطريقه نسويها لمحشي ورق العنب
٩/مرقه طبخ المحشي
صلصه /ليمون/ماجي/ملح/رشه ملح ليمون /دبس رمان اذا تحبون او تمر هندي /فلفل اسود او احمر /كمون وكزبره وشوي صفار وشوي طماطم مخلوطه
نتركها تغلي ونصبها على المحشي وزيت زيتون ونضع فوقه ثقل ونتركه لما يغلي خمس دقايق ونقصر عليه ونتركه ساعه الا ربع بقدر الضغط وباالعافيه قبل التقديم نصب عليه زيت زيتون وليمون وباالعافيه