رز ايراني
١/اسلق الدجاج مع بهارات صحيحه وملح وماجي لما يستوي
٢/اسلق الرز مع ماء وملح وزيت وفلفل وممكن نسلقه بماء الدجاج
٣/احمس بصل مع ثوم وزنجبيل وشوي زبت اما يذبل واضيف له البهارات الصحيحه (قرفه قرنفل هيل ورق غار نجمة اليانسون اذا متوفره )احمس لما تطلع ريحة البهارات و يتحمر البصل خفيف
٤/اضيف جزر مبشور واقلب لما يذبل واذا عندكم زركش ضيفوا مغسول ومنقوع انا ماعندي استبعدته
٥/اكرمل لي ع النار ملعقه او ملعقتين سكر لما يطلع لونها اشقر واضيفها ع الخليط وممكن نضع زعفران منقوع بماء ورد عليها يعطي نكهه لذيذه
٦/اضيف ملعقتين صلصه وفلفل اسود كمون كزبره و قرفه و ماجي واقلب لما تطلع ريحة البهارات والصلصه
٧/اضيف الدجاج وشوي ماء واقلب واتركه يتسبك ثلاث دقايق ع النار ونذوق الملح لو محتاج نزود عليه
٨/الطريقه انتي مخيره تضعين كشنه الدجاج ع الرز او تسوين مثلي في القدر طبقة رز ثم طبقه الكشنه وفوقه باقي الرز
٩/ ع وجه الرز ع جنب اضيف بودره صفار الزعفران و زعفران منقوع في ماء ورد واضافه ورد محمدي مطحون خشن ع وجه الرز واغطيه واتركه ع نار هاديه ربع ساعه لعشرين دقيقه
١٠/وقت التقديم شلت الرز اللي باالزعفران ع جنب وخلطت باقي الرز مع الكشنه في طبق التقديم حطيت الرز المخلوط وفوقه الرز باالزعفران والدجاج
١١/التزيين بكيفكم زينته بكاجو ولوز صنوبري محمصين و بصل شرائح ورشة بقدونس ورشة ورد محمدي
لذيذ جداً تغيير عن الرز المعتاد ضروري تجربونه النكهات بطله