بطاطس هسلباك
البطاطس مره لذيذ وميزتة طري ومن برا كرنشي.. 😋👌🏻
* الطريقة:
حوالي كيلو بطاطس صغير ، نص إصبع زبده ، ٢ ملعقة كبيرة زيت زيتون ، ملعقة صغيرة ثوم مهروس ، بهارات ( بصل مجفف / بابريكا ) ، ملح وفلفل أسود ، وممكن تضيفون اعشاب لو حبيتوا مثلاً روزماري أو زعتر.. نغسل البطاطس زين ونخلي القشر .. نقطع البطاطس شرايح بس مانوصل للأخير .. نخلط الزبدة والزيت والثوم ونسخنها حتى تذوب الزبدة نضيف الملح والبهارات ولو مستخدمين أعشاب.. ندهن البطاطس من جميع الجهات بالخليط ونحاول انه الخليط يدخل جوا البطاطس..
* نجهز صينية وندهنها من خليط الزبدة والزيت ونصف البطاطس وندخله الفرن على درجة ٢٠٠c
* راح ياخذ مابين ساعه إلى ساعه وربع حسب حجم البطاطس..
* قبل نطلعه بربع ساعه نرجع ندهنة بالخليط مره ثانيه ..
* أختياري ( نجهز بطاطس كرنشي/ وبصل كرنشي/ وكرسبي بارميزان ونخلطهم مع بصل اخضر ونضيفهم جوا وعلى سطح البطاطس قبل التقديم ) ..
.
* للصوص اللذيييييذ 👌🏻
سويت رانش بس بدال الساوركريم حطيت لبنه ، نص كوب لبنة ، ٣ ملاعق كبيرة مايونيز ، لبن ، شبت مفروم / بصل أخضر مفروم ، ملح وفلفل أسود ، ثوم باودر
نخلط جميع المكونات ونخفف الخليط باللبن والكمية حسب الرغبه.. وممكن لو حبينا نضيف له عصرة ليمون #وبآلعآفيه ..