برغر سلايدر
جربوهااا تدوخخ والأطفال بيحبونها أكيييد 🌹اليوم كنا صايمين وسويت للعيال برغر سلايدر بخبز البطاط وأنا سويت لي برغر سلايدر بس بدون خبز تصلح للكيتو واتكنز واللو كارب ( تبون الطريقة🥰؟؟)
بحط لكم طريقة برغر سلايدر لخبز البطاط تقدرون تستخدمون خبز البرغر العادي بس خبز البطاط يطلع طعمها رووعة 👍🏻
المكونات:
لحم مفروم
بودرة ثوم وبودرة بصل
ملح
عصير طماط
١ ملعقة كبيرة معجون طماط
كزبرة
خبز بطاط
جبن موزاريلا مبشور
١/٢ علبة قشطة
٢ ملعقة كبيرة جبن فيلادلفيا
جبن شرايح
الطريقة:
نحمر اللحم على النار بدون زيت ونضع عصير الطماط ومعجون الطماط والبهارات والملح ونحرك جيدًا حتى الاستواء ثم نضيف الكزبرة نغطيها ونتركها على النار قليلًا
نضع خبز البطاط ( القطعة السفلية من خبز البرغر) ونضع شريحة جبن ثم طبقة من اللحم نغطياللحم بالطبقة الثانية من خبز البرغر
نخفق القشطة مع الجبن جيدًا ثم يوضع فوق خبز البطاط ويوضع جبن موزاريلا مبشور
توضع في الفرن لتذوب الجبنة وتحمر قليلًا
وتقدم ساخنة وبالعافية
ملاحظة:
تقدرون تضيفون خس فوق شريحة الجبن
سر الطبخة هو القشطة مع الجبن 😊
اللحم نسويه بدون زيت
الوصفة هذه شبه صحية وتشجيع للأطفال على الأكل الصحي🌹💪🏻