طريقة الفيكتوريا كيك

اول شي طلعت ست بيضات كبار من الثلاجه وفصلت البياض من الصفار وخليتهم تقريبا ساعه علشان يصيرون بدرجة حرارة الغرفه وبعدين حطيت البياض وضربته بالخلاط مع رشة ملح وخليته لين تماسك وخليته على جنب وبماعون الخلاط حطيت الصفار وثلثين كوب سكر تقريبا ثلاث دقايق لين تغير لونه وضفت عليه ملعقة فانيلا الصفار مع ثلثين كوب سكر بالخلاط وخلطتهم تقريبا ثلاث دقايق وتالي ضفت ملعقه صغيره فانيلا وضفت عليه كوب طحين منخول مع ملعقة سكر بكنج بودر ورشة ملح على دفعات وخلطته بالملعقه شوي شوي واخر شي ضفت عليه بياض البيض على ثلاث دفعات مع التقليب ونسيت اقولكم مع صفار البيض حطو ملعقتين كبار عصير برتقال واخر شي وزعتهم في مواعين المنيوم مقاس ٨ يعني الحجم الصغير وكنت مدهنه المواعين وحاطه بالقاع ورق زبده ورشيت الجوانب طحين ودخلتهم الفرن مسبق التسخين على حراره ١٨٠ لمدة ١٢ الى ١٥ دقيقه وعقب خليتهم يبردون تماما قبل ما احشيهم بالمربى والكريمه تشربون الكيكه بأي نوع عصير تحبونه انا شربت الكيك عصير برتقال لانه اذا ما تشربونه راح يكون ناشف وهذي كيكه اسفنجيه لازم تتشرب واتمنى تجربونها والكريمه اهي كريمة خفق سائله خفقتها مع سكر بودر وحشيتها الكيكه مع مربى فراوله