- 25
- 0
- الإثنين, 29 مايو, 2017 - 7 , مساءً
- التقييم:
الطريقة و المقادير
..اليوم طباخنا مافي ايدام يعني لا سمك ولا دجاج ولا لحم سويت المجدره بالبرغل الاسمر يعني المجدره الاصليه اول شي قطعت البصل طوال وقليته بالزيت لين صار لونه اشقر مو تحرقونه وكنت منقعه البرغل الاسمر تقريبا ٣ ساعات والعدس الاخضر مال الكشري سلقته نص سوا لا تطبخونه وايد وبعدين حطيت من نفس الزيت الي قليت فيه البصل بالجدر بس شوي مو كل الزيت وحطيت عليه تقريبا قفشتين من البصل المقلي وضفت البرغل والعدس وضفت البهارات كركم وكمون وكزبره وملح ولومي اسود مطحون وخلطته وسقيته من ماي العدس يعني العدس لما تسلقونه لا تكتون الماي احتفظو فيه ولا تحطون وايد منه على الخلطه يعني حطو ربع كوب بالاول وتالي اذا احتاج ضيفو عليه شوي وحطوه على نار هاديه تقريبا ثلث ساعه وقدموه مع البصل المقلي وراح احطلكم شكلها النهائي وقت الغدا وتقدرون تقدمون مع سلطة روب وخيار
