- 93
- 1
- الأربعاء, 21 يونيو, 2017 - 11 , مساءً
- التقييم:
الطريقة و المقادير
وصفة اللقيمات بالطحين العادي وبالاكواب المعياريه : كوبين طحين واستخدمت الطحين الفاخر مال المطاحن وعلبتين زبادي قليل الدسم وملعقتين وسط نشا وملعقتين وسط خميره فوريه وملعقه وسط سكر ورشة ملح وهيل مطحون وزعفران وتقريبا كوب ماي دافي ويمكن أقل ولازم العجينه ما تكون خفيفه ولا ثقيله ….والطريقه : حطيت الزبادي اول شي في طاسه ولازم الزبادي يكون بدرجة حرارة الغرفه يعني مو بارد من الثلاجه وحطيت عليه ملعقه صغيره من الهيل المطحون وشوية زعفران والخميره والنشا والسكر ورشة الملح وخلطتهم عدل وتالي ضفت الطحين والماي بالتدريج لين تثقل عندكم العجينه شوي وعجنتها عدل و غطيتها وخليتها تقريبا ساعه ونص وتالي صبيتها في زيت ساخن وقصرت عالنار وخليتها وسط ولازم على طول تقلبونها تقريبا عشر دقايق الى ربع ساعه لين يتوحد اللون وبعدين شلتهم وخليتهم يبردون شوي وحطيتهم بالشيره ولازم الشيره تكون ثقيله وبالعافيه ..
