- 163
- 2
- الأربعاء, 5 يوليو, 2017 - 9 , مساءً
- التقييم:
الطريقة و المقادير
بينك باستا ( pink pasta )
طريقة الصلصه الحمرا
نشوح بصلتين مفرومين بشوية زيت ونضيف عليه ٣ فصوص ثوم مهروس ونضيف علبه من معجون الطماط وشوية ملح وفبفل اسود وملعقتين كبار اوريجانو واخر شي نضيف عليه ٣ حبات طماط مبشور او اي صلصة طماط تحبونه ونضيف عليه كوب ماي ونخليه يطبخ ويتسبك على نار هاديه مدة ١٥ دقيقه ونخليه على جنب
طريقة الباشاميل
نحط بالجدر اربع ملاعق زبده واربع ملاعق طعام زيت بس يسخن نضيف عليه نص كوب طحين ونحركه شوي وتالي نضيف خمس اكواب حليب سائل يكون دافي مو بارد ونستمر بالتقليب لغاية ما يثقل الخليط ونضيف ملعقه وسط ملح ونضيف الباشاميل على صلصة الطماط الي سويناه بس مو كل الكميه تقريبا ثلاث ارباع الكميه ونخلطهم وتكون الصلصه الورديه جاهزه
نسلق الباستا انا استخدمت مكرونة المطاحن رقم ٢٢ ونصفيه ونضيف عليه الصلصه الورديه ونرش عليه جبنة البارميزان ورشة اوريجانو وبالعافيه
