مجدره بالعدس والشبنت مع دجاج بالزرشك
مكونات الدجاج بالزرشك : ثلاث صدور دياي مقطع بالطول + ثلاث حبات بصل جوانح + مهروس الثوم والزنجبيل + كوب زرشك + بهارات هيل ودارسين وبهار حشو وبهار دجاج وملح + منقوع الزعفران +
مكونات الرز مع العدس والشبنت : ثلاث اكواب رز منقوع مدة ساعه + عدس بني حبه صغيره تقريبا كوب منقوع بالماي مدة نص ساعه + بصلتين مفرومين + ثلاث شدات شبنت صغار مفرومين + ملعقتين طعام سمنه ومنقوع الزعفران
طريقة الدجاج بالزرشك :
نشوح البصل بشوية زيت ونضيف الثوم والزنجبيل ونضيف صدور الدجاج والبهارات و الملح ونحمسه عدل تالي نضيف الزرشك ومنقوع الزعفران ونخليه ثلاث دقايق على نار هاديه
طريقة الرز مع العدس والشبنت : نشوح البصل بشوية سمن ونضيف عليه العدس ونضيف كركم وكمون وملح ونقلب فيه لمدة دقيقتين وتالي نضيف الرز المنقوع ونضيف عليه الماي المغلي ونخليه على نار عاليه لمدة خمس دقايق ولما ينشف الماي نحط حمسة الدجاج على الرز ونخليه على نار هاديه لمدة ٣٥ الى ٤٠ دقيقه واذا تبون تستخدمون العدس بو حبه كبيره ضيفو الماي قبل الرز وخلوه يطبخ تقريبا عشر دقايق او اكثر وتالي ضيفو الرز وبالعافيه