- 43
- 0
- الثلاثاء, 19 سبتمبر, 2017 - 1 , مساءً
- التقييم:
الطريقة و المقادير
كروسيني خالي من الجلوتين
اجمالي السعرات ٢،٠٧٣ سعره حراريه
طلع معاي ٢٨ حبه
كل حبه فيها ٧٤ سعره حراريه
ㅤㅤㅤㅤㅤㅤㅤㅤㅤㅤㅤㅤ
بياض بيض ١٧ سعره
٣ اكواب طحين خالي من الجلوتين ١٦٨٠ سعره
٣٠٠ ملي ماي دافي
ملعقه طعام خميره
ملعقه صغيره ملح
٣ ملاعق طعام زيت زيتون ٣٦٠ سعره
ملعقه صغيره سكر ١٦ سعره
ㅤㅤㅤㅤㅤㅤㅤㅤㅤㅤㅤㅤ
خليط الطحين خالي من الجلوتين خذيته من @healthycraftskw منتجاتهم وااااايد عجيبه للي فيهم حسايه من الجلوتين
عرفت منتجاتهم من سيفكو بعد وعندهم تشكيلات متنوعه
لان خالتي فيها حساسيه من الجلوتين فاضطر يوم الزواره
يكون الحلو او الطبق الي اسويه خالي من الجلوتين
علشان تقدر تشاركنا وما تحاتي انها تتعب اذا كلت معانا
ㅤㅤㅤㅤㅤㅤㅤㅤㅤㅤㅤㅤ
ㅤㅤㅤㅤㅤㅤㅤㅤㅤㅤㅤㅤ
نجي الحين للطريقه……..
ㅤㅤㅤㅤㅤㅤㅤㅤㅤㅤㅤㅤ
نخلط مع الماي الدافي السكر والخميره
ونخليهم ١٠ ثواني لما يتفاعل نضيف كوب طحين خالي من الجلوتين
ونحركه بسرعه كبيره ونتركه ثواني دقيقه لحد ما يتفاعل مع الخميره
الطحين الباقي نخلط معاه الملح البحري والثوم المجفف والاعشاب الايطاليه والبوبي سيدر
نضيف الخليط الاول الي فيه الخميره للعجانه ونضيف الزيت وبياض البيض
مضيف باقي الخليط مع بعض ونشغل العجانه لما الخليط يصير متحانس ومتماسك شوي
نخليه يتخمر مده ٤٠ دقيقه بمكان دافي
بعد ما يتخمّر نفرد العجينه ونقصصها مثل الفيديو اطوال متساويه
ندخلها الفرن بصينيه ونرش عليها شويه بخاخ زيت زيتون ونرش الحبوب فوقها
بعد ما تستوي استمتعوا فيها مع اي تغميسه ايطاليه تحبونها
انا احبها مع معجون الزيتون لذييييذ حيل 😋💕 وراح
اعلمكم على طريقته ان شاء الله باجر
اذا حسيتوا العجينه جامده اخلطوا معاها زيت زيتون شوي زياده او الافضل زبده علشان ما تصير صلبه حيل
