بما اني كنت طالعه السوق اليوم واستمتعت بالتسوق
كالعاده هفتني نفسي عالمطاعم بس 😖 غمضت عيني عنها
وقلت ارد بيتي واسويلي احلى من برجر المطاعم
وصحي ١٠٠٪ ولذييييذ
صج ان سعراته عاليه بس عن ٢ برجر
خدعه بسيطه بس نتايجها عجيبه
وهي تحويل البرجر الوحده الى ٢ بحركه ذكيه

عشاي كان ٥٥٦ سعره حراريه
صج وايد بس جداً مفيده افيد ١٠٠٠ مره من برجر المطاعم
الي البرجر الوحده تضرب ١٠٠٠ سعره من دسومتها
وعندي اساساً ٨٠٠ سعره ما كليتها اليوم
ㅤㅤㅤㅤㅤㅤㅤㅤㅤㅤㅤㅤ
٦٥ جرام افوكادو ١٠٤ سعره
صمونه سمره ١٥٧ سعره
٢ برجر لحم مشوي ٢١٤ سعره
٢ شريحه جبن سلايز خالي الدسم ٥٨ سعره
ملعقه طعام كتشب صحي ٢٣ سعره
ㅤㅤㅤㅤㅤㅤㅤㅤㅤㅤㅤㅤ
قصيت الصمونه السمره بالنص وخليتها قاعده للبرجر الثنتين
نقص ١/٢ حبه الافوكادو الناضجه لشرايح خفيفه
ونحطها على شريحه الصمونه وفوقها البرجر
والكتشب قليل السكر وخس شرايح
واخر شي نغطيهم بشريحه جبن سلايز وندخلهم الفرن لما يذوب
وزينوه بالكتشب من فوق
لااااازم تجربونها حدها لذيييييذه لذيييييذه
الافوكادو هو بديل المايونيز الصحي
من جربته مع البرجر ادمنته بشكل مو صج
طعمه كريمي لذيذ مع البرجر يعطيه طعم عجيب